Iris Díaz Trancho presenta esti xueves en Xixón la so obra ‘Nome’

La sala de conferencies del Centru de Cultura Antiguu Institutu va acoyer esti xueves la presentación del llibru de rellatos ‘Nome’, d’Iris Díaz Trancho. L’autora va tar presente nel actu xunto col escritor Antón García.
 
Con esta obra, Díaz Trancho debuta cola lliteratura p’adultos depués d’algamar un ésitu importante con trabayos destinaos a un públicu infantil y xuvenil. La escritora xixonesa divide ‘Nome’ en dos partes: una primera, de nome ‘Tan cerca’, con narraciones que formen parte de la vida personal de l’autora o asoceden n’Asturies, y una segunda, ‘Tan lloñe’, con rellatos que Díaz Trancho siente llonxanos. En toos ellos, la fantasía tien un sitiu protagonista.
 
La presentación de ‘Nome’, llibru asoleyáu por Publicaciones Ámbitu, va principiar a les 19.30 hores nel Centru de Cultura Antiguu Institutu cola presencia de Díaz Trancho y d'Antón García.