Inundóse la cueva del Pozu'l Ramu

La cueva del pozu'l Ramu, conocida tamién como "Tito Bustillo" n'alcordanza d'un de los sos descubridores, ta tomada d'agua por causa de la lluvia de los últimos díes. La gran ayalga del arte paleolíticu asturianu va tar pesllada una selmana

Alfonso Míllara, responsable de Cueves del Oriente, esplicó que taben valorándose los daños, anque lo más seguro ye la cueva tenga que quedar trancada polo menos una selmana más mientres se saca l'agua y la basa y se recupera la parte de la entrada.

El responsable de conservación de la cueva fizo un llamáu a los ganaderos del llugar a nun dexar que l'orín que produzan estos díes les sos vaques trescale'l terrén, porque podría filtrase y dañar les pintures y alteriar el microclima de la cueva al introducir nella hidróxenu, metanu y otros gases.