Intentu d'agresión fascista na Casa Ciudadana de Podemos en Xixón

Unos diez individuos insultaron y amenaciaron esti vienres a les persones que taben na Casa Ciudadana de Podemos de Xixón .

Unos diez individuos afatiaos con una bandera española, faltaron y amenaciaron esti vienres a les persones que taben na Casa Ciudadana de Podemos de Xixón con glayíos de "Refugiados fuera", "España cristiana, no musulmana" y "Los sirios al paredón", acusando a Podemos de defender los derechos de les persones abellugaes.

L'espolín duró apenes  cinco minutos ensín incidentes de consideranza, y cola llegada de la Policía nun se producieron nuevos incidentes.

Dende Podemos Xixón consideren qu'esti intentu d'agresión nun ye casual, ya qu'esa mesma tarde visitó la Casa Ciudadana Miguel Urbán, eurodiputáu de Podemos, que participaba na XX Selmana Aula Popular José Luis García Rúa cola conferencia "Refugiados. Europa fortaleza o Europa Solidaria".