'Iniciativa pol Asturianu nes Ondes' cumple cinco años n'activo

Siéntese nuna docena d'emisores del país.

'Iniciativa pol Asturianu nes Ondes' ye una estaya de trabayu d'Iniciativa pol Asturianu dirixida por Samuel Gradín que cumple agora un llustru trabayando "la presencia de la entidá y l’asturianu nos medios de comunicación del país". Cinco años d'una "xera incondicional y de mui bonos resultaos".

"Quiero felicitar a Samuel Gradín y a toles persones que collaboráis o collaborestis en dalgún momentu, pol exemplar trabayu a lo llargo d'estos cinco años que lu convierten nel programa n'asturianu n'activu con más años al llombu nesti momentu”, espresó Inaciu Galán, presidente d'Iniciativa pol Asturianu pol quintu aniversariu del mesmu.