Iniciativa pol Asturianu llama a brindar pol idioma pa despidir l'añu

Entama una campaña en redes sociales.

La situación pola crisis sanitaria pola pandemia de COVID-19 fai qu'Iniciativa pol Asturianu nun entame'l so tradicional brinde. Una circunstancia qu'invita a esta organización a llevalo a tolos usuarios de Twitter y Instagram baxo la etiqueta #yobrindopolasturianu.

Asina, llama a toles persones que quieran a participar na campaña a llanzar un mensaxe positivu pal nuevu añu 2021 y facelo n’asturianu y en gallego-asturiano. La idea de la organización ye que se xuba una semeya, videu o testu col brinde acompañáu del hastag de la campaña pa esta entrada y salida del añu.