Iniciativa pol Asturianu entama cursos nivel básicu 1 y 2 esta seronda

|
Cartelu cursos d'Iniciativa pol Asturianu seronda

Va ponelos en Xixón dos díes a la selmana, cola posibilidá de facelos tamién a distancia.

Iniciativa pol Asturianu abrió’l plazu de matriculación pa los nuevos cursos d'asturianu nivel básicu 1 y 2 que se van celebrar nel Conseyu de Mocedá de Xixón. El primeru ta empobináu a persones ensin conocimientos o con nivel baxu de conocencia y inclúi, pa les persones que lu superen, un diploma de l’Academia de la Llingua Asturiana, entidá reconocida pola Conseyería d’Educación pa la formación del profesoráu, mentes que'l segundu enfócase pa xente con una conocencia más fonda del idioma, con dalgún cursu fechu de manera previa.

Los cursos van tener una duración de 36 hores llectives y entamaríen el llunes 7 d'ochobre, con final previstu pa mediaos d'avientu, según la coincidencia con díes festivos y les circunstancies de cada grupu d'alumnos. L'horariu de les mesmos ye de 19 a 21 hores, los llunes y miércoles pa los del nivel 1 y los martes y los xueves, pa los del 2, con sede nel Conseyu de la Mocedá de Xixón.

El preciu d'inscripción algama los 60 euros, 50 pa los socios d'Iniciativa pol Asturianu, y inclúi tolos materiales necesarios p'afrontar el cursu. Pa qu'éstos s'entamen, la organización comunica qu'ha d'haber un nivel mínimu d'alumnáu, cola posibilidá de facelu en modalidá non presencial, per Internet.

La xente interesao tien hasta'l martes pa formalizar la matrícula al traviés del formulariu disponible na web d'Iniciativa pol Asturianu.

Contador Estadistiques