Iniciativa pol Asturianu convoca la so xunta d'asociaos del 2017

Llama a la participación al considerar esti añu y el viniente "de gran importancia pal futuru del asturianu y del gallego-asturiano".

La cita ta convocada pal sábadu, a les 17 hores, nel salón d'actos del Conseyu de la Mocedá del Principáu d'Asturies, asitiáu na uviedina cai Fuentes Acevedo, 60. Media hora enantes, va abrise una mesa pa l'acreditación de socies y socios.

Un analís del añu 2017 va abrir l'orde del día, pa depués entrar nel plantegamientu de les llinies de trabayu de cara a 2018, l’últimu añu de l'actual Xunta Direutiva y del presidente, tal y como s’afitara nel so día nos estatutos. Dende Iniciativa pol Asturianu consideren esti añu y el viniente "de gran importancia pal futuru del asturianu y del gallego-asturiano", polo qu'animen a les socies y socios a acudir a la xunta.