Infraestructures Viaries actúa en dos tramos de carretera en Valdés

Les infraestructures que van reformase estos meses son la VA-5, ente Castañéu y Alienes, y l'AS-36 al so pasu urbanu per Ḷḷuarca.

La direutora xeneral d'Infraestructures Viarias y Portuarias, María Esther Díaz López, visitó esta mañana estes dos actuaciones nel conceyu de Valdés. Entrambes tán encuandraes nel enfotu del Gobiernu por conservar y caltener les infraestructures viaries nel mediu rural y facilitar les comunicaciones ente les diferentes parroquies y las capital de conceyu.

La primera de estas obras, axudicada en 381.150 euros a la empresa Ingeniería de Obra Civil y Construcción de Asturias S.L., actúa sobre un tramu de la vía llocal VA-5 ente Castañéu y Alienes, con un plazu d'execución de siete meses. Va consistir nel ameyoramientu del firme nos 2.700 metros que separten les dos poblaciones.

Menos tiempu va llevar la segunda, un mes, que se va centrar na travesía per Ḷḷuarca de l'AS-36 que xune la capital del conceyu con Villayón, en concreto la interseición del vial con la N-634 y el final de la travesía, con más de 800 metros llargor. La intervención tien un costu de 46.294 euros y va consistir en fresar p'aplicar depués una capa de rodadura de mezcla bituminosa en caliente para remozicar el pavimentu y facilitar la comunicación col centru urbanu.