Inaugúrase nel HUCA la esposición del concursu de fotografía pa persones con discapacidá auditiva d’APADA Asturias

|
Inaugúrase nel HUCA la esposición del concursu de fotografía pa persones con discapacidá auditiva d’APADA Asturias

L’Hospital Universitariu Central d’Asturies (HUCA) acueye dende esti vienres la esposición ‘Haciendo visible la discapacidad invisible’. Les imáxenes amuesen la presencia de prótesis y ayudes téuniques na vida cotidiana d’esti coleutivu cola fin de da-y visibilidá.

L’antepar del edificiu de consultes esternes ye onde ta asitiada esta amuesa de semeyes compuesta por 30 fotografíes escoyíes nel primer concursu pa persones con discapacidá auditiva qu’entama l’Asociación de Padres y Amigos de Deficientes Auditivos de Asturias (APADA Asturias) y que s’entregarona ayeri nel salón d’actos del Cibercentru de La Lila. Les instantánees muestren la presencia de prótesis y ayudes técuiques na vida cotidiana d’estes persones, cola mira de dar visibilidá a la so discapacidá.

La inauguración va celebrase a les 13 hores y va contar cola presencia del xerente del Área Sanitaria IV, Luis Hevia; el direutor d’Asistencia Sanitaria del área, José Fernández; la foniatra de la Unidá d’Hipoacusia del HUCA, Pilar Carro; el coordinador del Programa d’Atención al Déficit Auditivu Infantil (Padai), Miguel Prieto; la presidenta del Conseyu Territorial de la ONCE, Aitana Martínez Ballesteros; y dellos miembros de la xunta directiva d’APADA Asturias.

Esta asociación ensin ánimu d’arriquecimientu, declarada d’Utilidá Pública, trabaya dende va más de 20 años pola integración dafechu de les persones con discapacidá auditiva desenvolviendo dellos programes: talleres de llectura, campañes de sensibilización, sofitu a families, representación énte l’Alministración, logopedia, asistencia psicolóxica, etc. La organización ye la representante n’Asturies de la Confederación Española de Familias de Personas Sordas (FIAPAS).

Contador Estadistiques