Inaugúrase la escultura A Panderetúa di Trabáu

|
A Pandereterúa di Trabáu ellaboración preparada

La pandereta más grande del Estáu va desatapase nel marcu del certame Música y Tradición na Guarida del Cunqueiru.

Yá ta preparada, nel sitiu que va ocupar, pendiente namái de dase a conocer a vecinos y visitantes. A Panderetúa di Trabáu ye'l nome que recibe esta escultura folclórica que pretende ser una homenaxe a esti instrumentu y los sos intérpretes y que, de xuru, va convertise nun reclamu turísticu de Degaña.

Va ser el sábadu, a les 17 hores, cuando'l públicu que s'avere a Música y Tradición na Guarida del Cunqueiru va poder contemplar per primer vegada esta obra. Darréu Rodrigo Cuevas va recibir la primer edición del gallardón A Ruxideira d'Ouru y va participar xunto con Mariluz de Corralín y Rosa Cunqueira, Xosé Antón Fernández 'Ambás'  y Ramses Ilesies, y Aurora Pazos nel concechu abiertu 'La pandereta, instrumento y símbolo cultural'.

La tarde va siguir con un filandón dende les 19 hores hasta bien entrada la nueche. Dende la tienda-taller artesana La Guarida del Cunqueiru soliciten a la xente interesao n'acudir, col so instrumentu o non, que confirmen asistencia, cola posibilidá de facer usu de la zona d'acampada y de furgonetes o autocaravanes, nel númberu de teléfonu 689.755.836.

Na semeya, un momentu de la ellaboración d'A Panderetúa di Trabáu.

Contador Estadistiques