Inaugúrase'l XVIII Certame de Curtiumetraxes Aula 18

|

52 cintes compiten hasta'l día 14 nel festival de cine con sede en L'Entregu.

Tres delles proyeiciones esta mañana nes escueles de Samartín del Rei Aurelio, esta tarde, a les 19.30 hores va celebrase la inauguración oficial del 'XVIII Certame Nacional de Curtios Aula 18' nel Teatru Municipal, asitiáu na población de L'Entregu. Esta primer xornada ta dedicada a los curtiumetraxes de la seición asturiana, cola proyeición de 'Mírame', 'Huellas', 'Dime algo', 'Saying', 'Vacío', 'Mamá', 'Eat my shit', 'Heteronomía', 'El ramo de la verberna', 'Al llau del pozu', '¡Hay que armarla!', 'Porvenir' y 'Caradecaballo/Horseface'.

Los curtios que participen na seición oficial van poder vese mañana, el miércoles y el xueves, amás del martes 13 y el miércoles 14, cuando va celebrase la gala d'entrega de premios. Ente éstos, la organización entrega ún al 'Meyor Curtiu de Direición Asturiana, o Rodáu nel Principáu d'Asturies o Rodáu en Llingua Asturiana', gallardón valoráu en 200 euros, troféu y un añu de distribución gratuita con festhome.

Pa conocer tola programación, asina como les actividaes paraleles del festival entamáu pola Asociación Cultural Aula 18, pue calcar equí.

Contador Estadistiques