Inaciu Iglesias y David M. Rivas van falar sobre les posibilidaes del emplegu del idioma na empresa

|
Cartelu xornada ‘L’asturianu nel mundu empresarial. Un llabor en comuña’

Celébrase en Xixón la xornada ‘L’asturianu nel mundu empresarial. Un llabor en comuña’.

La Oficina de Normalización Llingüística de Xixón, en cumplimientu del Plan de Normalización Llingüística 2016-2019, pon enfotu esti añu nel espardimientu del usu del asturianu nel mundu empresarial. Asina entama esta iniciativa nel Centru de Cultura Antiguu Institutu que se punxo en marcha esta mañana con un taller práuticu de nome ‘Emplegu del asturianu na documentación y nel día a día de la empresa’ a cargu de la  responsable del SNL, María Xosé Rodríguez López, y la téunica Alba A. Estrada.

Pela tarde, a partir de les 18 hores, van tener llugar dos conferencies, protagonizaes por Inaciu Iglesias y David Manuel Rivas. El conseyeru delegáu de Cartonajes Vir va poner la charra ‘L’asturianu como seña d’identidá y valor añadíu nel mundu empresarial’, mentes que'l profesor d’Estructura Económica de la Universidad Autónoma de Madrid va esponer a les 18.45 hores ‘La llingua como valor económicu’.

Contador Estadistiques