Imputen a 16 controladores aéreos pola fuelga d’avientu

Un xuez de Madrid citó a declarar a 16 controladores aéreos como imputaos na instrucción del procesu penal pola fuelga d’avientu. El parón provocó’l zarru del espaciu aereu estatal y perxudicó a miles de pasaxeros.
 
A partir del18 de xunetu, los controladores aéreos van tener qu'acudir a los xulgaos de Plaza de Castilla a declarar sobre'l so grau de participación nes aiciones que provocaron el zarru del espaciu aéreu los díes 3 y 4 d'avientu pasáu. Na demanda, presentada pol despachu Cremades & Calvo-Sotelo en nome de cerca de 8.000 afectaos, reclámase una indemnización de 10.000 euros pa cada pasaxeru, con un plazu d'incorporación qu'acaba'l 3 d'avientu.
 
Los demandantes esixen responsabilidaes a los controladores polos daños provocaos pol caos aéreos orixináu nel ponte de la Inmaculada pasáu. Coles mesmes, xunto cola acusación particular nel procesu penal, los abogaos de los afectaos van presentar una reclamación de responsabilidá patrimonial contra AENA que podría superar los 10 millones d'euros.