II Congresu Mundial d'Asturianía

Cinco años depués del anterior congresu, entama mañana nel Auditoriu Príncipe Felipe d'Uviéu el II Congresu Mundial d'Asturianía, un conceyu organizáu pol Conseyu de Comunidaes Asturianes qu'axuntará hasta'l domingu a los responsables en polítiques d'emigración del Gobiernu asturianu colos representantes de la comunidá asturiana en tol mundu. La proyección de la cultura asturiana antigua y contemporania na comunidá emigrada y el contraste d'esperiencies vitales que vien dau pol cambéu xeneracional sedrán puntales d'un debate cultural sobre la dimensión del fenómenu migratoriu nel que l'antropólogu Roberto González-Quevedo presentará esta interesante ponencia entitulada "el futuru de la cultura asturiana na emigración". Arriendes d'esto, el congresu inclúi unes xornaes comerciales y un fondu debate sobre la cooperación cola Asturies Esterior, con un güeyu puestu na situación especial del Uruguay y l'Arxentina, onde los centros asturianos tan garrrando un papel asistencial cada vegada más fuerte, convirtiéndose na más doliosa de les estremaes realidaes de la nuestra emigración. Asturies.com va facer un seguimientu actualizáu de lo que pase nesti Congresu