Igualdá eleva a 52 les muertes por violencia de xéneru esti añu

El Ministeriu d'Igualdá elevó a 52 el balance mortal de la violencia de xéneru no que va d'añu, ocho más que nes mesmes feches del 2009 y una más que nel mesmu periodu del 2008, l'añu con más víctimes.

El balance faise públicu dempués de que la Delegación del Gobiernu pa la Violencia de Xéneru confirmare que l'asesinatu d'una muyer esti domingu en Castellón correspuende a esta tipoloxía.
 
En total, la cuarta parte de los asesinatos de muyeres rexistraos esti añu tuvieron llugar n'Andalucía, onde se rexistraron 13 víctimes dende xineru. En Cataluña produxéronse siete crimes; seis, en Canaries; cinco n'Asturies y otros cinco na Comunidá Valenciana.
   
No referente a les víctimes, más de la metá de les que yeren españoles (59,6%), el grupu más ampliu tenía ente 31 y 41 años d'edá, anque en doce casos taben ente los 41 y los 51, y nun total de 13, superaben esti tramu.
  
Amás, seis de cada diez convivíen col so asesín y en más de la metá de los casos, tovía calteníen una relación de pareya cuando él decidió quitar la vida.