Ideas muestra’l so refugu a la incineradora pola contaminación que va xenerar

Juan Morales, candidatu d’Independientes de Asturias (Ideas) a la presidencia d’Asturies, criticó la construcción d’una incineradora nes instalaciones de Coxersa en Serín pola contaminación que va xenerar. “Va a afeutar a dellos conceyos y de manera mui directa a Xixón y al propiu barriu pola recepción de tola basoria procedente d’otros ámbitos”, afirmó nun actu eleutoral nel barriu xixonés de La Calzada.
 
José del Pino, candidatu de la formación a l’alcaldía de Xixón, acompañó a Morales nesti actu destináu a dar a conocer el programa elutoral del partíu a los vecinos de La Calzada, un momentu nel que los dos políticos aprovecharon p’analizar los efeutos contaminantes que tiene pal barriu la construcción del puertu d’El Musel. Sicasí, Morales refirióse a la instalación recién finalizada como un motor de dinamización económica pal conxuntu d’Asturias, anque esixó que s’aclare’l sobrecoste pa reclamar responsabilidaes.
 
Pa finar, el llíder d’Ideas apoyó la ZALIA como la zona loxística y de desarrollu “con más futuru” d’Asturies pola so capacidá de dotar de valor a los puertos de Xixón y Avilés.