Iban Mayo valtó los pronósticos na última etapa

El ciclista vascu Iban Mayo demostró'l bon momentu de forma pel que pasa y franció la historia y los pronósticos ganando la Vuelta Ciclista a Asturies na última etapa tres d'una fuga de 55 kilómetros. El corredor del Euskaltel saltó en solitario del pelotón nes durísimes ramples d'adoquinos de Cuideiru y ganó n'Uviéu con 2 minutos de ventaya ensin que l'equipu enteru del líder pudiere facer por cazalu, qu'alcontró l'ayuda del so compañeru Gorka González. L'otru corredor del Euskaltel tiró per Mayo hasta metelu na fuga bona na que diben 11 corredores, de los que bien d'ellos fueron descolgándose por culpa del ritmu que punxo l'esplosivu Mayo y nel que Martín Perdiguero ganó al sprint la etapa na Cai Calvo Sotelo d'Uviéu. Un gran día pal ciclismu, nel que les últimes etapes yá nun son como manda'l vezu un paséu pal líder.