Humberto González, protagonista nos alcuentros lliterarios de Xixón

El poeta asturianu y collaborador d'Asturies.com Humberto González va ser esti vienres 13 el protagonista de los "Alcuentros poéticos" que se desarrollen nel Antiguu Institutu de Xixón baxo la coordinación d'Antonio Merayo. L'escritor y economista David Rivas va presentar al autor nun actu que va tener llugar na sala de conferencies
del CCAI de Xixón a les 20:00 hores.

Humberto González (Mieres 1961) foi profesor de llingua y lliteratura asturianes, participando dende los años 80 en bien d'iniciatives culturales rellacionaes col asturianu, casu de la revista Orbayando. Responsable de delles Xuntes d'Escritores Asturianos, Humberto González ye'l promotor del congresu lliterariu
"Arribada" que se fizo en Xixón en 2006. La so obra escrito abarca nueve poemarios y dos obres narratives, amás de participar en bien d'obres colectives y compilatorios. No estralliterario, ye'l presidente del Círculu de Pensamientu Lliberal y miembru de la Xunta local del Partíu Popular de Xixón, formación a la que representa na Fundación Municipal de Cultura.