Homenaxe a Manolo Quirós y conciertu de Llan de Cubel

Esti miércoles día 30 tenemos una tarde enforma
interesante nel Antiguu Institutu de Xixón, onde los protagonistes van
ser el recuerdu a Manolo Quirós y un conciertu de "Llan de
Cubel".

El miércoles día 30 va inaguráse una
esposición n'alcordanza de la figura del gaiteru
Manolo
Quirós que morrió l'añu pasáu.Esti gaiteru
abrió caminos a la gaita allá polos años setenta qu'hasta
esi momentu yeren impensables, sacó dellos
discos
en solitariu y foi miembru de "Nuberu", amás
d'acompañar a munchos cantantes de tonada, poner clas de gaita y ser
constructor de gaites. Primero de la inaguración de la
esposición, a les 19:00 la tarde, va poder vése nel taller
númberu 4 del antiguu institutu un videu sobre la vida de Manolo
Quirós, nél faise un repasu a la vida del gaiteru nel aspectu
profesional y artísticu, amás de poder escuchar les opiniones de
xente que tuvo cerca del músicu como Chus Pedro de "Nuberu",
Joaquín Pixán, Vicente
Díaz...etc; el videu ta realizáu por Javier González
Lueje y Pelayo Muñoz Duarte.

Depués del videu y de la inaguración de la
esposición, a les 20:00 hores nel salón d'actos del mesmu
edificiu van tocar
"Llan
de Cubel", un conciertu nel que van aprovechar pa grabar temes pal so
próximu discu que sedrá en direuto. Esti va ser un conciertu pa
escuchar a "Llan de Cubel" de forma más cercana y decatanos de
detalles que nun apreciamos nes nueches folk, que ye onde solemos velos.