Holgado denuncia al edil d’UICA, Ramón Artime, por calumnies

|

L’edil d’UNA-Bloque por Asturies (Compromisu por Carreño), Roberto Holgado, presentó una demanda contra Ramón Artime. La denuncia vien poles calumnies del conceyal d’UICA hacia la so persona en dellos plenos.

Según una información espublizada güei pol diariu ‘El Comercio’, Holgado presentó’l vienres pasáu una demanda polos ataques continuaos al so honor protagonizáu pol representante únicu d’Unión Independiente de Carreño (UICA) na Casa Conceyu de Carreño. Artime acusólu de corrupción por algamar un trabayu por enchufe políticu, cuando la realidá ye que l’edil d’UNA-Bloque principió a desempeñar esi llabor enantes de consiguir l’acta de conceyal. Esti emplegu ye en Gersport Nalón, empresa concesionaria de la piscina de la Mancomunidá del Cabu Peñes n’Antromero, onde cobra 537 euros brutos mensuales por 17,5 horas selmanales, anque lleva seis meses ensin recibir renumeración por mor de la situación na que ta anguaño la entidá supramunicipal.

Na demanda presentada, Holgado reclama a Artime un rectificación poles sos acusaciones. L’edil d’UNA-Bloque, nuna muestra de tresparencia política, fixo público l’añu pasaú los sos ingresos nel 2012 pol so cargu públicu. Éstos ascienden a 3.920 euros en conceutu de dietes pola so asistencia a 83 comisiones y 15 plenos. Güei, nel so Facebook personal espublizó los del 2013: 3.360 euros por asistencia a 84 comisiones y plenos.

 

Contador Estadistiques