Historia contemporánea a debate n’Uviéu

Güei entamen n'Uviéu les IV Xornaes d'Historia Contemporánea, que van durar hasta esti vienres. Nelles van presentase dellos trabayos d'investigación y van ponese conferencies sobre asuntos de caláu social, amás d'incluyir proyecciones de películes y actuaciones musicales.

Los profesores Octavio Montserrat y Jorge Uría participaron ayeri na presentación d'estes xornaes qu'entamen formalmente güei martes cola presentación de trabayos sobre los Conseyos Obreros, los movimientos campesinos na China del XIX y el movimientu Obreru nos EEUU., amás de la proyección del filme "Z" de Constantin Costa Gavras, que cuenta los díes de la dictadura del coronel Metaxas en Grecia. El miércoles va ser tiempu dende les 10 de la mañana pa la presentación de trabayos sobre la dictadura militar de Pinochet y l'intervencionismu estadounidense, la "Nueva historia cultural de la educación" y "Asturies, del desarrollismu a la crisis", poniéndo-y l'actuación d'Hector Braga nel chigre "El Naranco" el piesllu a la xornada. "LA lóxica de la política esterior marroquina n'Europa y el Magreb" y una conferencia del Coronel Rafael González Crespo sobre la situación del Cáucasu son los puntos fuertes del programa pal xueves 12, mientres que'l vienres 13 van presentase los llibros "La fresa amarga. La situación de los temporeros en Huelva" y "Crisis y delda esterna, les polítiques del Fonsu Monetariu Internacional" amás de la proyección d'otru filme del ciclu de Costa Gavras: "Estado de Sitio"


Toles actividaes van facese nel Salón d'actos de la biblioteca del campus d'humanidaes de La Vega n'Uviéu, sacantes dellos conciertos y actividaes complementaries.