Hidroeléctrica dexa la rede

De va delles selmanes p'acá vien comentándose que ye fácil que l'asturiana Hidroeléctrica del Cantábrico vienda la so rede eléctrica a la empresa Rede Eléctrica Española, participada poles mesmes eléctriques y l'estáu, que tien el 28% de les acciones y que ye la titular de la mayor parte de les llinies d'alta tensión del estáu. L'añu pasáu les grandes eléctriques yá vendieren les sos redes d'alta tensión a REE siguiendo los encamientos del gobiernu del estáu. Esta vienda valió-yos tamién a les eléctriques pa embolsar más de 1.300 millones d'euros nun momentu en que taben afogaes pola delda. Agora, HC vien a xuntase a les grandes y diz que ye fácil que venda parte de la so rede, pero non les llinies coles que sirve directamente a grandes fábriques del país como les d'Arcelor. El total de la operación andaría sobre los 70 millones d'euros