Hidroeléctrica anuncia beneficiu récord

La compañía Hidroeléctrica del Cantábrico lleva ganao hasta'l mes de setiembre d'esti añu tanto como ganó nel exerciciu del 2001 enteru. La empresa que dirixe Manuel Menéndez, presidente tamién de Caxastur, anunció güei un resultáu espectacular pa los primeros nueve meses del añu, con 94 millones d'euros de beneficiu, un 80% más de ganancia que nel mesmu plazu del añu 2001. Ello foi posible gracies al espoxigue de la producción en centrales térmiques y la baxada de la mesma nos saltos d'agua, que dexen menos réditu. Asina, mientres les térmiques asturianes quemaron más carbón que nunca dende'l 1997 hasta producir un 286% más de corriente que nel 2001, los saltos d'agua trabayaron menos, una baxada que se
xustifica na mengua de recursos hidráulicos que carecieron les cuenques esti añu. Sicasí, esta mengua del nivel d'agua embalsao nun se notó tanto na cuenca norte, que ye onde tien HC tolos sos saltos.