Hevia, bandes y métodos de gaita

Esta selmana atropamos delles noticies sobre'l mundu de la gaita. El gaiteru Jose Angel Hevia acaba d'estrenar la so nueva paxina web, diseñada pola empresa asturiana Triskelmedia. Nella podemos topar distintes secciones onde ver una biografía sobre'l gaiteru, discografía, noticies, y otres secciones más artístiques como "web clips" o "poemas visuales".El gaiteru Flavio Rodríguez Benito, presenta un "Cursu de Gaita" editáu con Trabe, que consiste nun CDrom interactivu n'asturianu, nel que vamos poder topar
datos sobre la historia de la gaita, biografíes de famosos gaiteros, cómo son les gaites pel mundu, les partes de la gaita asturiana, la correcta postura del gaiteru, escales, tables y exercicios, adornos, cursos de distintos niveles y variaos conseyos. Amás incluye la novedá de tener partitures que puen facese sonar nel ordenador. En poco tiempu tamién va salir al mercáu otru métodu de gaita. pero esta vegada fecho pol gaiteru Jose Manuel Fernández "Guti".
Precisamente la banda de gaites dirixida por Flavio Rodríguez "La Raitana" ta acabando la grabación d'un discu. El cd tendrá pieces tradicionales y composiciones del so direutor; delles canciones grabáronse en direuto nel muséu de la sidra de Nava. Flavio Rodríguez tamién presentó fai poques selmanes el so primer discu en solitariu del que vos falaremos en próximes selmanes.Otra banda de gaites que sacará trabayu discográficu al mercáu dientro de poco tiempu ye "Llacín", la banda de la escuela de música tradicional de Llanes. Nel discu nun vamos escuchar solo les gaites y la percusión de la banda, tamién habrá otros instrumentos qu'arroparán los temes del discu.

Contador Estadistiques