Hai xente pa too

L'ociu ye'l padre de tolos vicios. Igual ye por ello qu'hai xente ocioso y de gustu estéticu discutible que nun tien otro que facer que mangar nos xardinos de casa figures de piedra de trasgos y nomos p'adornar, y igual ye por ello qu'hai otra xente que se dedica a arramplar con ellos y "lliberalos" en bosque, porque consideren qu'esi ye'l llugar natural de les figures. Hasta agora sabíase que lo de los enaninos de piedra yera popular abondo en países d'Europa como Alemania o Francia, pero, a lo que se ve, la fiebre ta acabante de llegar a Asturies. Ello ye que nel web del "Frente pa la lliberación de los enanos de xardín" celebren la creación d'una sección asturiana que, pa más aquello, yá tien el so primer oxetivu, na menos que lliberar a cinco "rehenes" (trasgos de piedra) que vieron nuna finca de Cabanaquinta.

Contador Estadistiques