“Hai qu’acabar d’abrir les puertes de par en par a esa Asturies nueva que s’impón a la resignación y al derrotismu”, diz Barbón

En Cuadonga, nun altu apegáu a la carretera y xunto al camín que lleva la esplanada frente a la Santa Cueva, qu’apaez al fondu, el presidente Adrián Barbón dio’l so mensaxe pol Día d’Asturies, nel qu’emplegó cachos en gallego-asturiano y asturianu. Nesti últimu idioma afirmó que “hai qu’acabar d’abrir les puertes de par en par a esa Asturies nueva, tresformadora y con puxu, que s’impón a la resignación y al derrotismu”.

“Esi llabor, que ye’l retu de verdá del nuestru tiempu, enxamás se va poder completar ensin l’ayuda de tola sociedá. El diálogu, la collaboración, la disposición perseverante al alcuerdu van iguando un forxáu que nos fortalez”, siguió na parte final del so discursu, onde reivindicó “esi esfuerciu común, el compromisu colectivu y arrogante. Auníos, reconocíos na nuestra historia y la nuestra cultura, arguyosos de la nuestra identidá, vamos ser quien a apartar tolos impedimentos”.

Por último rescampló que “ése es el mensaje de firmeza, convencimiento y esperanza que hoy propongo compartir. A todos los asturianos y asturianas, en cualquier rincón del mundo donde estéis, mis mejores deseos. ¡Feliz 8 de septiembre! ¡Feliz Día de Asturias!”.

Conmemoración de los 1.300 años de la batalla

Enantes Barbón declarara que “la celebración del Día de Asturias es una jornada de unión y afirmación colectiva” y recordó que nesti 2022 ta conmemorándose’l 1.300 aniversariu de la batalla de Cuadonga, motivu que lu llevó a escoyer esi escenariu “con toda su belleza, con su enorme carga simbólica” pal mensaxe. “Hoy es un día para reconocernos en nuestra historia, para reivindicar nuestra identidad, siempre inclusiva, y para encarar hermanados la construcción del porvenir”, afirmó.

Tuvo pallabres pa la emigración, pa les víctimes de la pandemia de COVID-19 y los refuxaos ucranianos y d’otros países n’Asturies poles guerres, y llueu de repasar dalgunes cuestiones llaborales o de la transición enerxética apuntó que “en muy poco tiempo hemos entrado en otra etapa de nuestro desarrollo, un período en el que la innovación científica y tecnológica se ha convertido en un rasgo acusado de nuestra realidad empresarial” pa siguir con unes pallabres en gallego-asturiano: “Nun é este namáis el gran cambeo que tamos ganando. Este brao puidemos volver comprobar a fortaleza cada vez máis grande del atractivo turístico, con Asturias reforzada como aveiro climático. El aumento de conexióis aéreas y a entrada en servicio d’aquí a pouco da variante de Payares, un acontecemento pol qu’esperamos décadas, han a supoñer un impulso de primeiro orde camín d’ese estadio novo. A posta al día del Administración, coa guerra declarada á burocracia, y el bon aprovetamento dos fondos europeos súmanse a ese horizonte que marca el rumbo camín da miyor Asturias”.

Los Presupuestos del 2023 foi’l siguiente tema que sacó’l socialista. “Coherente con la orientación social y progresista de todo el mandato, ese proyecto responderá a unas prioridades muy definidas: reto demográfico, juventud y diligencia, en la ejecución de los fondos europeos”, aseguró.

“Advierto que vendrán meses duros, complicados, donde notaremos con crudeza el impacto de la inflación y de los problemas energéticos derivados de la agresión rusa a Ucrania. En esas circunstancias, Asturias no puede dar la espalda a los demás países de la Unión Europea”, siguió Barbón, que señaló que “la cercanía de las elecciones no puede desnortarnos. El interés partidista, y menos aún los debates internos, nunca deben prevalecer sobre la atención a los problemas reales, concretos y dolorosos, de las personas. Quién no sepa entenderlo estará defraudando a la ciudadanía”. Nesi sen, prometió “gestión y alma, audacia y empatía para seguir liderando la transformación que Asturias necesita”, reconociendo que “el trecho que resta de legislatura no será suficiente para culminar la ambiciosa agenda de reformas en marcha”.

Semeya obra d'Armando Álvarez.