Habrá quinta edición del Festival Arcu Atlánticu

Xixón Sí Puede y el PP apoyaron la programación nueva presentada por Foro.

Asina, PSOE y IX quedaron solos a la escontra'l Festival Arcu Atlánticu, yá que Ciudadanos yá diera'l preste na xunta rectora de la de la Fundación Municipal de Cultura, Eduación y Universidá Popular que valtara la primer programación propuesta por Foro en marzu. D'esta forma, el certame va celebrase del 23 de xunetu al 1 d'agostu con un enfoque y conteníos nuevos.

Nesta edición, el festival va dedicase "a esplorar los conceptos de 'Identidad y Memoria', proponiendo un espaciu ampliu de programación abiertu a tolos públicos y compartíu con diferentes ciudaes europees y conceyos asturianos al traviés de les sos manifestaciones culturales". Toles actividaes van celebrase na redolada d'El Muelle, asina como n'otres instalaciones de la ciudá, como museos, el Centru de Cultura Antiguu Institutu, el Teatru Xovellanos y el Xardín Botánicu Atlánticu.