Guerra de portales

Dos portales irlandeses anden engarraos nuna llucha que tien plasmaos a los internautes d'aquel país. Ello ye que los usuarios que naveguen colos servicios d'UTV tienen llendáu l'accesu al serviciu de subastes on-line irlandeses eBid. La cosa ye igualque nel casu de los servidores españoles que, por orde xudicial, tranquen la entrada al web de Batasuna (al que pue entrase dende'l web d'anonymizer) solo qu'esta vez la causa nun ye política o xudicial, sinon comercial dafechu. Énte la protesta de los usuarios d'UTV,el portal diz que van lliberar otra vuelta la entrada al web de subastes