Grau y Candamu ponen cursos d'asturianu

|
Grau y Candamu

Comiencen el llunes 2 d'abril na villa moscona y el miércoles 4 en Grullos, y son de baldre.

Pese a nomase como 'básicu fase b', según anuncien dende'l Serviciu de Normalización Llingüística de los Conceyos de Grau ya Candamu, el que va celebrase en Grau nun va ser una continuación del anterior, fináu en febreru. Sicasí, va siguir la llinia educativa del mesmu.

P'apuntase al cursu ye necesario llamar n'horariu de mañana los martes o los miércoles al teléfonu del SNL (985 95 22 29) o mandar un corréu electrónicu a llingua@ayto-grado.es, cola posibilidá tamién de facelo en persona na Casa la Cultura (Palaciu de Miranda-Valdecarzana). Por cuestiones organizatives, el tope de places ta asitiáu en 30, tanto previsto'l comienzu de les clases pa les 19 hores del llunes día 2.

El de Grullos, al ser el primeru que s'entama, va ser de nivel básicu. Pa facer la matrícula nesti casu hai que llamar al Ayuntamientu (985-82.80.56) n'horariu de mañana, unviar un corréu electrónicu a llingua@ayto-candamo.es o dir en persona a la Casa Conceyu.

Les clases van tener como sede'l Centru Polivantente de la capital candamina, tando previsto'l comienzu pal miércoles día 4 a les 19 hores. Tanto'l de Grau como'l de Candamu ye pa persones mayores de 16 años.

Sesiones de dos hores

Cada cursu va constar de nueve sesiones de dos hores caúna, tando destinaes a ciudadanes y ciudadanos que nun tengan conocimientos de llingua asturiana o quieran afondar un poco nella. "Estos cursos son una nueva aproximación a la llingua asturiana dende los conceyos de Grau ya Candamu ya tienen l´oxetivu d´aprender nestos meses a falar, escribir, entender ya interaccionar na variedá occidental del asturianu, que tien bien presencia nestos conceyos, así como nel estándar llingüísticu de la variedá central", apunta Miguel Rodríguez Montevaro, téunicu de Normalización Llingüística de los Conceyos de Grau ya Candamu.

Contador Estadistiques