Granda vuelve a acoyer la so nueche folk

La parroquia xixonesa de Granda celebra estos díes les sos
fiestes. Na organización caltuvieron na edición d'anguaño
la bona costume d'entamar una nueche folk esti domingu cola actuación de
trés grupos asturianos.



Un espaciu tan prestosu como ye la carbayera de Granda en Xixón
ye l'espaciu onde se desenvuelven les fiestes y la nueche folk de les mesmes. Ellí, esti domingu 31 a partir de les 19:00 hores
entretiénse la tarde con un festival folclóricu con dos grupos
asturianos de baille , Excelsior de la Pedrera y Xaréu, y otru de la
República
Centroafricana. Pa les 21:30 hores ta previsto qu'entame la nueche cola
actuación del folk electrónicu de
Xera, continuando darréu d'ellos colos sones baillables de
La
Bandina p'acabar con N'Arba.