Gonzali Producciones convoca un casting pa papeles protagonistes y secundarios en ficción

Los díes 19 y 20 na so sede de Xixón.

La intención de Gonzali Producciones, conocida pol so llabor de doblaxe de películes a la llingua asturiana, ye facer una seleición pa papeles protagonistes y secundarios en proyeutos televisivos y cinematográficos, siendo'l trabayu remuneráu, amás de pal bancu de datos de la productora. A la prueba pueden presentase actores y actrices mayores de 18 años.

La xente interesao ha d'unviar los so datos de contautu y currículu a la direición de corréu electrónicu tv@gonzaliproducciones.net, recomendando la inclusión d'amueses de videu y audiu. Nel mensaxe deberá incluyir les sos preferencies pa la celebración del casting, esto ye, si-y vien meyor un día u otru, de mañana o de tarde.

Gonzali Producciones convocará a una hora determinada na sede de productora, asitiada na cai Llibertá númberu 12, entresuelu C, de Xixón, a los aspirantes al traviés d'un corréu electrónicu. L'horariu previstu pa les pruebes ye de 10 a 13.30 hores y de 16 a 20 hores.