González Riaño va dar en Llangréu la so visión sobre la oficialidá afayadiza p'Asturies

|
Cartelu charra oficialidá de Xosé Antón González Riaño en Ciañu

El presidente de l'Academia de la Llingua Asturiana (ALLA) pon la conferencia 'Llingua asturiana: la oficialidá qu'Asturies necesita'.

El Conceyu de Llangréu, la Universidá d'Uviéu y el coleutivu Cauce del Nalón entamen esta charra que va tener como sede la Casa de la Buelga, en Ciañu. Nun momentu nel que la cuestión de la oficialidá del idioma ta destacao en negrina na axenda de los partíos políticos y ye motivu d'alderique na sociedá asturiana, Xosé Antón González Riaño ye convidáu a esplicar el modelu d'oficialidá que considera afayadizu pal país.

La cita va ser mañana, a les 20 hores, nel edificiu asitiáu n'El Campón. La entrada ye llibre hasta completar aforu.

Contador Estadistiques