González-Sinde refuga que'l zarru del Xacobéu se faiga n'Asturies

La ministra de Cultura, Ángeles González-Sinde, refugó esti llunes que'l zarru del Añu Xacobéu vaya realizse n'Asturies y precisó que namás el Conseyu Xacobéu tien previsto nesta Comunidá'l so últimu actu d'esti 2010.

La ministra de Cultura, Ángeles González-Sinde, refugó esti llunes que'l zarru del Añu Xacobéu vaya realizse n'Asturies y precisó que namás el Conseyu Xacobéu tien previsto nesta Comunidá'l so últimu actu d'esti 2010.

Asina lo dixo la ministra en respuesta a entrugues de los medios en Santiago de Compostela, onde reconoció que'l Gobiernu central va ampliar les exenciones fiscales en Galicia mientres tol añu 2011, naquelles cuestiones rellacionaes cola conmemoración del 800 aniversariu de la consagración de la Catedral de Santiago.
  
Nesta llinia, la ministra vio "importante" esti eventu y recordó que'l apoyu del Ministeriu de Cultura tamién s'evidencia al traviés de la inclusión de les obres de la Catedral de Santiago nel 1% cultural.

Financiamientu d'equipamientos culturales
Per otra parte, indicó qu'un grupu de trabayu integráu por espertos na materia va encargase d'analizar la posibilidá d'establecer un nuevu modelu de financiación d'equipamientos culturales n'España, coles mires de "optimizar" los recursos existentes y facer "vidable" el creciente númberu d'infraestructures d'esta índole existentes nel Estáu.
  
Asina lo acordó la Conferencia Sectorial de Cultura, que tuvo llugar en Santiago de Compostela baxo la presidencia de la ministra de Cultura, y na que los presentes trataron, ente otres cuestiones, un estudiu sobre'l crecimientu de los equipamientos culturales n'España y la necesidá d'analizar "otres víes" de financiación de los mesmos.
  
"Nos últimos años hubo una subida espectacular nel númberu d'equipamientos culturales en tol territoriu, pero emplega'l mesmu modelu de financiación que cuando teníamos pocos", señaló González-Sinde, que calcó na necesidá d'evitar "llegar a una situación" na que nun se puean ofrecer "actividaes complementaries" y namás puea pagase estes infraestructures.

Comisiones de valoración
Ente otros asuntos, na xunta d'esti llunes aprobáronse los nuevos criterios pa la designación de trés representantes autonómicos nes comisiones de valoración de les convocatories d'ayudes del Ministeriu de Cultura correspondientes al 2011.
  
A lo último, renovóse'l cargu de vicepresidente segundu de la Conferencia, que-y correspuende nesta ocasión a la conseyera de Cultura del Principáu d'Asturies, Mercedes Álvarez González. N'Asturies va ser tamién la próxima xunta de la Conferencia, que se va treslladar nel segundu semestre del 2011 a Estremadura.