González Arias presenta na Casona del Bravial la reedición del llibru ‘El cuartu negociu’

La Oficina de Normalización Llingüística de Samartín del Rei Aurelio entama esti miércoles na Casona del Bravial, en Blimea, la presentación de la reedición del ‘El cuartu negociu’. Ésti llibru ye obra de Ismael María González Arias.
 
‘El cuartu negocio’ ganó nel 1992 el premiu Xosefa Xovellanos y introduxo a la lliteratura asturiana la novela d’aición. La historia trata del pasu del protagonista, Fernando Martín per una Yugoslavia en plena guerra, cuando Bosnia yera sinónimu de guerra, muerte y tración.
 
Na presentación, que va tener llugar a les 19 hores, l’autor va tar acompañáu por Esther Prieto, representante d’Ediciones Trabe, editorial qu’asoleya esta reedición de ‘El cuartu negociu’; Gema Suárez, conceyala de Cultura; y Hugo Cortina, responsable de la Oficina de Normalización Llingüística.