García Oliva alderica con llectores sobre la so obra 'La vida de siempre'

L'actu va tener llugar en Villaviciosa.

Los Talleres de Llectura n'Asturianu de la capital maliaya, qu'entamen el Serviciu de Normalización Llingüística 'Comarca de la Sidra', vive esti xueve un alcuentru nuevu con autores. Nesta ocasión el convidáu ye Vicente García Oliva, que va aldericar colos presentes sobre 'La vida de siempre', obra ganadora de la estaya de narrativa n’asturianu de los XVI Premios de la Crítica d’Asturies, correspondientes al añu 2015.

Trátase d'una novela editada por Trabe que s'adientra peles siempre negres cais de la inmigración, la prostitución y la trata de blanques, que comienza cola execución de Ceaușescu en Rumanía nel 1989. L'actu va celebrase a les 19 hores nel aula del segundu pisu del Centru Cultural Capistrano.