García Menéndez y Paco Álvarez ganen el concursu de cuentos curtios de Cangas

El primeru llevólu na estaya d'asturianu occidental y el segundu, na de normativu.

El XV Concursu'i Cuentos Curtios del Conceyu Cangas foi pa Manuel García Menéndez cola so obra 'L'home que caéu nun bardón de lata', "una distopía ácida, descarnada ya surrealista qu'alerta sobre los peligros del nihilismu ya la deshumanización nuna sociedá cada día más individualista", destaca l'acta del xuráu, formáu cuatro llingüistes, dos escritores y dos responsabes de servicios de normalización. Mentes, na estaya d'asturianu normativu, resultó vencedor Francisco 'Paco' Álvarez, que presentó 'Les hores últimes de Dulce Gaván'.

El cuentu del periodista xixonés "respuende a las características paradigmáticas de la novela negra: miedu, violencia, inxusticia, relativismu moral, dramatismu ya un ambiente íntimu ya asfixante que fluye progresivamente hacia un final fatal". El xuráu tamién destacó la calidá de toles obras presentaes, dalgo que "deixa bien clara la salú ya calidá de la nuesa literatura".

Dambos autores lleven una recompensa de 500 euros y ponen el so nome nel palmarés del concursu tres el de Miguel Castro Vidal ('Poldo'), n'occidental, y Víctor Suárez ('L'incidente'), en normativu, ganadores de la edición pasada.