García de la Cuesta pon un cursín de bandurria asturiana en Xixón

|
Cartelu bandurria asturiana en Sestaferia

El sábadu en Sestaferia, con un tope de seis alumnos, que va acoyer tamién un alcuentru de bandurrieros. El vienres va ufrir una charra-conciertu sobre l'instrumentu.

La primer sesión de les actividaes sobre la bandurria asturiana va principiar mañana, a les 20.30 hores, cola charra-conciertu de Dani García de la Cuesta, que yá de sábadu va encargase de poner clases del instrumentu, pa les que nun fai falta tener conocimientos previos sobre'l mesmu.

El cursín, con un costu de 15 euros, tien un tope de seis places y pa participar hai qu'inscribise de manera previa al traviés del númberu de teléfonu 626.511.863 o del corréu electrónicu dagarcues@yahoo.es. Nel casu de nun contar col instrumentu ye necesario avisar pa ver si esiste la posibilidá de que la organización preste ún al interesáu. Les clases van desendolcase de 10.30 a 14 hores y de 16 a 19.30 hores.

Pa finar estes xornaes, a les 20 hores, tamién nel Centru Social Sestaferia (Joaquín Alonso Bonet 3, Xixón), va celebrase un alcuentru de bandurrieros y rabelistes, de llibre participación.

             

 

Contador Estadistiques