García Corte denuncia a Blanco por incitación al odiu en redes sociales

El TSXA va instruyila pola condición de diputáu del voceru na Xunta Xeneral de VOX.

La Sala Civil y Penal del Tribunal Superior de Xusticia d'Asturies (TSXA) asume la denuncia presentada por Aitor García Corte, alcalde de Bimenes, poles declaraciones feches en redes sociales por Ignacio Blanco contra la so persona pola falta de la bandera d'España na Casa Conceyu, que fora robada previamente. El yerbatu púnxola nel Xulgáu de Primer Instancia y Instrucción númberu 3 de Siero nel mes d'agostu por "inxuries, calumnies y incitación al odiu".

Esti tribunal declaróse incompetente pa esta causa, pola condición de diputáu na Xunta Xeneral de Blanco, polo que llega al TSXA. Tres conocer la noticia, el parllamentariu de VOX dixo nun tar esmolecíu por ella, anunció una rueda de prensa depués de la fin de selmana, cuando tien previsto lleer la denuncia, y presumió de facer bien les coses al sentise oxetivu "del asturianismu y la izquierda".

Na semeya, Blanco.