Ganaderos con reses n’Onís denuncien más de mediu centenar d’ataques del llobu en dos meses

Un grupu de ganaderos d’Onís, Cangues d’Onís y Llanes con reses nel primer conceyu va entregar esti miércoles a Fernando Lastra, conseyeru d’Infraestructures, Ordenación del Territoriu y Mediu Ambiente, firmes pa l’aplicación urxente del Plan del Llobu. Denuncien más de mediu centenar d’ataques en dos meses.

El Conceyu d’Onís, col alcalde socialista José Manuel Abeledo a la cabeza, súmase tamién a esta demanda roblada por unos 50 ganaderos. Pa la so entrega al conseyeru aprovechen una visita de Lastra a la zona, demandando-y que se cumpla de manera urxente el Plan del Llobu, que pa esti añu afita en 45 el númberu total de llobos a abater en tol país.

Nel casu de que’l Gobiernu nun cumpla cola demanda, los ganaderos avisen de la so intención de tomar otres midíes. Ente ellos, amás de protestes, taría llevar l’asuntu al xulgáu.

Semeya: Pintada nel camín a la Vega Les Mantegues (Onís).