Galipote nuevo nel Cabu Peñes

Estos díes ta llegando a la costa de la comarca del Cabu Peñes galipote del Prestige a esgaya. Les manches, en forma de redondeles pequeños, tan estrando les playes de la rodiada del Cabu Peñes onde se repite la situación d'a últimos de xineru, cuando la mareona prieto afloxó pa dar pasu a una marea de manches sueltes, pequeñes y difíciles d'atropar. Ente les playes dañaes ta la de Xagó en Gozón y especialmente la de Salinas en Castrillón , qu'amaneció ayeri entafarrada entera. La entrada de galipote nuevo a l'arena coincide col criticadísimu llabor de retirada del galipote de los pedreros con máquines d'agua a presión, un llabor que podría resultar inutil casu de que se posare galipote nuevo nes piedres que tan llipiándose.