Galipote en Castrillón

La playa del Sablón, en conceyu Castrillón, amaneció ayeri con manches de galipote. Dempués de la entrada de fuel en delles playes de la rodiada de Villaviciosa, lo de güei ye la confirmación de que'l galipote sigue col so baille particular enfrente la costa del cantábricu.

La llegada de más galipote a les playes coincide otra vegada cola apaición noticies d'interés rellacionaes col Prestige, depués de les manches qu'aprucieron en Villaviciosa el mesmu día en que Izquierda Xunida y Fomentu s'engarraben nun discutiniu sobre les ayudes a Ayuntamientos. esta vegada foi Rodolfo Martín Villa, comisionáu del gobiernu pal asuntu Prestige el que fizo declaraciones públiques. Martín Villa, qu'entrega'l cargu'l 24 d'esti mes, peritó en 700 millones d'euros el coste de la marea negro al estáu, y esplicó que d'esti gastu, el Gobiernu va poner 200 millones la UE 450 y 170 el FIDAC. Otramiente, Repsol yá tien preparáu el sistema pa surniar el galipote que queda nos tanques del barcu, y cuenta con poder opnese a ello pa primavera, cuando meyore'l tiempu. Martín Villa esplicó que nel barcu quedaben 15.000 tonelaes de fuel, y non les 37.000 coles que se contaba, colo que "va ser más fácil el sacalo". L'otru llau de l'afirmación del comisionáu ye que'l Prestige soltó a la mar más galipote del que se pensaba. Al dicir del colectivu gallegu "Nunca mais" Martín Villa dexa'l cargu ensin xustificar el sueldu que cobró.