Galicia va tener puntu neutru

La Xunta de Galicia y les operadores d'internet que dan serviciu a los internautes gallegos firmaron esti vienres un alcuerdu pa desarrollar el Puntu Neutru de la internet gallega, lo que dexa a los nuestros vecinos col tercer puntu netru del estáu, depués del xeneral español Espanix y el deCataluña. Un Puntu Neutru ye un noyu de comunicaciones compartíu por tolos operadores d'un mesmu territoriu, qu'a través d'esti equipamientu faen una sinerxa de recursos qu'ameyora la calidá del serviciu y ayuda a descargar la rede. Gracies al Puntu Neutru evítense los llargos recorríos de les consultes y los correos electrónicos per servidores del mundu pa legar, les más de les veces, a daquién qu'igual ta xeográficamente mui cerca. Por poner un casu un e-mail que vaya d'Avilés a Llaviana lo más fácil ye que tenga que pasar per fuera d'Asturies pa llegar al so destín, cosa que nun pasaría si tuviéremos puntu neutru.