Gaélico na UE

El Parlamentu Européu escoyó güei presidente nuevu na persona de Pat Cox, un lliberal irlandés que, anque venga col sofitu del sector más conservador de la cámara (votáronlu los partíos de Berlusconi y Haider) promete dellos cambeos pa una institución tradicionalmente alloñada de la defensa de les minoríes. Como preba del so deséu por averar Europa a les periferies, nel so discursu, Cox, que remembró que vien d'un de los estaos más pequenos de la UE, fexo una simbólica declaración en gaélico, un idioma que nun ta consideráu llingua de trabayu na UE. Na escoyeta, que tuvo de resolvese na tercer vuelta, quedo'l segundu con más votos l'escocés David Martin, del partíu llaborista. Nel so programa, Martin inclúia dellos puntos pa da-yos más representación a los parlamentos autonómicos na UE. Otru candidatu favorable a una construcción d'una Europa que nun pase esclusivamente pelos grandes estaos-nación yera'l candidatu verde
Gerard Onesta, que firmó un manifiestu al favor de les llingües non oficiales nel Estáu Francés.

Contador Estadistiques