FSA, Asturies pela Izquierda, Foro y VOX voten xuntos pa cambiar el reglamentu de la Xunta

Los socialistes permiten a los trés partíos contar con grupu parllamentariu propiu al reducir la esixencia de 3 a 2 diputaos, lo qu'aumentará'l gastu en casi 2 millones.

El Plenu celebráu ayeri na Xunta Xeneral, el segundu de la llexislatura, trató la modificación del reglamentu de la Xunta Xeneral pa facilitar qu'Asturies pela Izquierda, Foro y VOX abandonden el grupu mestu. PP y Ciudadanos opunxéronse a la propuesta, mentes que Podemos, que dende un primer momentu criticó esta midida, astúvose.

Les propuestes del PP y Ciudadanos pa dar más voz a les trés fuercies ensin qu'ello suponga un aumentu del gastu nun salieron alantre, siempre col votu en contra de la FSA y los trés interesaos y l'astención de Podemos. La vocera socialista Dolores Carcedo xustificó la posición del so grupu parllamentariu na defensa de la pluralidá política y nel so deséu de facilitar el llabor parllamentariu a los partíos con menor representación.

Na imaxe, Carcedo intervién nel Plenu d'ayeri na Xunta Xeneral. Semeya obra d'Armando Álvarez.