Freire releva a Fernández Iglesias na presidencia del Conseyu d'Estudiantes

|

La candidatura de les Asamblees Abiertes d'Estudiantes de la Universidá d'Uviéu foi la única presentada a les eleiciones.

Lidia Freire garra la presidencia del Conseyu d'Estudiantes de la Universidá d'Uviéu en sustitución de Jorge Fernández Iglesias, mentes qu'Elena Quintana releva a Xana Sarah Ebrecht na ayalguería y César Muñiz Argüelles a Víctor González Lorenzo, na secretaría. Pese a nun esistir candidaturas alternativas, el Reglamentu del Conseyu d'Estudiantes indica qu'han de facese votaciones igualmente, que tuvieron llugar el llunes.

"Tanto dende les Asamblees Abiertes como dende'l Conseyu d'Estudiantes vamos siguir lluchando por una universidá pública, de calidá, llaica, y que nun discrimine a nenguna estudiante por motivos de xéneru, raza, económicos o cualquier otra condición social. Coles mesmes, vamos continuar utilizando los espacios de representación estudiantil únicamente pa defender los intereses coleutivos de les y los estudiantes, denunciando les inxusticies y reivindicando toes aquelles demandes que consideremos relevantes pal conxuntu del estudiantáu de la Universidá d'Uviéu", apunten.

Contador Estadistiques