Fracasu del asturianismu al nun llegar a los 2.500 votos

La coalición Bloque por Asturies-UNA-LV-GV nun pudo continuar cola so medra nel númberu d’apoyos al pasar del 1,63 por cientu de votos al 0,32 por cientu. Mentes, Andecha Astur se queda nun 0,13 por cientu.
 
La suma de votos del Bloque-UNA y LV-GV na cita coles urnes de mayu foi 9.817, mui lloñe de los 1.639 votos qu’algamó güei la coalición nacionalista y verde ‘Compromisu por Asturies’ col 99,93 por cientu de votos rexistraos. Nel descensu del númberu d’apoyos hai que tener en cuenta tamién el baxón importante na participación, al pasar del 66,89 por cientu en mayu al 55,91 por cientu. Pela so parte, Andecha Astur algama 668 votos, más del doble menos que los que rexistró Conceyu Abiertu: 1.421 (0,24 por cientu).
 
Estes cifres son les peores que rexistra l’asturianismu dende les primeres eleiciones a la Xunta Xeneral, nel 1983, cuando l’Ensame Nacionalista Astur sumó 2.505 votos, un 0,45 por cientu del total.