Foroescena opónse al plan xeneral de subvenciones nuevu

"Condena una vegada más al sector", afirma.

L'Asociación Foroescena, qu'agrupa a la mayor parte de compañíes profesionales de teatru asturianes, espublizó un comunicáu nel que critica'l Plan Xeneral de Subvenciones aprobáu recién pol Gobiernu y espublizáu nel BOPA. "Nun acomete meyora dalguna respeuto a años anteriores, yá que condena una vegada más al sector que representamos a un estancamientu ensin solución de continuidá", apunten.

D'esta forma, convierten l'actividá teatral en dalgo "tan residual como insostenible", añaden dende esta asociación d'empreses d'artes escéniques d'Asturies que defende dende'l 2010 los intereses del teatru profesional nel país.