Foro propón que’l 25-M sía fiesta n’Asturies xunto col 8-S

Adrián Pumares, secretariu xeneral de Foro, acudió al actu institucional pol 25 de Mayu, una iniciativa que calificó de “bona noticia”. El voceru de la formación na Xunta Xeneral asoleyó un tweet n’asturianu pola efeméride xunto cola bandera y propunxo que la xornada sía festiva n’Asturies xunto col 8 de setiembre.

“Dende Foro Asturies consideramos clave recordar y celebrar cada añu’l 25 de mayu”, aseguró, pa depués defender que, “anque apostamos por que’l 8 de setiembre ha siguir siendo’l Día d’Asturies, esti día clave pa entender la historia del Principáu d’Asturies ha ser tamién fiesta”. D’igual foma dixo ver “necesario reclamar la figura d’un ilustre asturianu como Álvaro Florez Estrada”, con “un papel fundamental” nesos fechos históricos.

Pela mañana tamién asoleyó un tweet en llingua asturiana xunto con una imaxe de la bandera. “El 25 de mayu de 1808, celebróse na catedral d’Uviéu la sesión de la Xunta Xeneral na que se declaraba soberana, y el Principáu d’Asturies declaraba-y la guerra a Napoléon, “tiranu europeu”, alcordando’l llevantamientu d’un exércitu 20.000 homes #25DeMayu #25DeMayo #Asturias”.

El 25 de mayu de 1808, celebrose na catedral d’Uviéu la sesión de la Xunta Xeneral na que se declaraba soberana, y el Principáu d’Asturies declaraba-y la guerra a Napoléon,”tiranu europeu”, alcordando’l el llevantamientu d’un exercitu 20.000 homes#25DeMayu #25DeMayo #Asturias pic.twitter.com/wliiXYHpYn

— Adrián Pumares (@adrianpumares) May 25, 2021