Foro entruga nel Senáu pol deficiente tratamientu de la historia d’Asturies nos llibros de testu

La senadora Rosa Domínguez de Posada y el diputáu Pedro Leal van entrugar en Madrid y la Xunta Xeneral el deficiente tratamiento de la historia del país nos llibros de testu. Foro pon el focu nos episodios del Reinu d’Asturies que se traten en Bachilleratu.

“Dende Foro dirixímonos a los gobiernos autonómicu y español pa que velen pol conteníu sobre la Historia d’Asturies qu’apaez nos llibros de testu”, afirmó Leal esta mañana. L’exemplu que pon la formación asturiana ye’l de testos de ‘Historia de España’ de Segundu Bachilleratu, que califica de “mui deficientes sobre Asturies, los sos oríxenes, los sos monarques, les sos capitales y los sos episodios principales al referise al ‘reino astur’”.

En concreto citó’l de la Editorial Akal, que nel so apartáu dedicáu al ‘Reino astur’ dientro de ‘La península Ibérica en la Edad Media: los reinos cristianos’ espón lo siguiente: “Hacia el 722 tuvo lugar en Covadonga un enfrentamiento entre destacamentos árabes y un grupo de cristianos encabezados por un tal Pelayo. En la actualidad se considera esta batalla como una continuación de las muchas escaramuzas que venían produciéndose, desde mucho tiempo atrás, entre cántabros y vascones y las guarniciones romanas y visigodas del valle de Duero. Este núcleo de resistencia frente a las autoridades islámicas pudo sobrevivir gracias al desinterés musulmán. A partir del 740, en el que estallaron las luchas internas musulmanas, los cristianos conseguirían extender su dominio hacia la zona de los vascos occidentales (parte de la actual Vizcaya) y hacia Galicia. Con los primeros reinados se consolidó el territorio, se estableció la capital en Oviedo y se organizaron el Estado y la administración tomando como base el derecho romano. También se configuró una iglesia independiente de la de Toledo. Es precisamente en este momento cuando aparecería el mito de Santiago, potenciado por la Corona por razones ideológicas y económicas, al tiempo que se estrechaban las relaciones con el Imperio carolingio”.

“Consideramos que dichos conteníos son deficientes y inexactos”, afirmó Leal, que demanda información a los dos gobiernos “pa saber quién vela pol rigor na formación de los estudiantes españoles, al obligar a los padres a adquirir testos d’editoriales que respuende a versiones inalmitibles de la Historia d’Asturies”. En concreto, les entrugues plantegaes son les siguientes:

• ¿Considera’l Conseyu de Gobiernu qu’esti tipu de conteníos educativos tan cuestionables –por deficientes y inexautos– nun llibru de testo de Bachilleratu permite formar alumnos que sían quienenes a superar les pruebes d’evaluación pal acceso universitariu (EvAU) en cualquier universidá española?
• ¿Qué tipu de control y, nel so casu, d’autorización, realiza o pue facer l’alministración educativa, al traviés de les sos competencies d’inspeición, del conteníu de los llibros de testu que s’obliga a adquirir a los padres?
• ¿Tien dalguna competencia l’alministración educativa o la representación de los padres de los alumnos na homologación de los llibros de testu o na so seleición?

Errores tamién sobre la llingua asturiana

Los errores nos llibros de testu de les escueles de tol Estáu nel tratamientu de cuestiones venceyaes a Asturies nun se centren namái nel terrén históricu. Dende cuantayá viense denunciando les definiciones acientífiques sobre la llingua asturiana nos manuales de ‘Lengua España’, dalgo que dende l’añu pasáu paez que ta tratando d’iguar la Conseyería d’Educación y Cultura, según declaró Genaro Alonso na Xunta Xeneral.

Esta situación treslladóla Ramón d’Andrés y Adolfo Manzano a la Comisión Especial d’Estudiu sobre'l Réxime de Proteición y Promoción del Asturianu, onde Foro, que nun toca’l tema llingüísticu na so entruga a los dos executivos, ye l’únicu partíu que nun ta unviando representante nes comparecencies informatives entamaes hasta la fecha. D’Andrés, cuando yera’l responsable de Política Llingüística, llegó a ellaborar un informe sobre esti tratamientu acientíficu en delles editoriales, llegando a caltenese reuniones con elles, pero la falta de voluntá política nun iguó un problema que sigue vivu una década depués.