Foro Asturias vota nel Senáu contra la reforma de la Constitución

Isidro Martínez Oblanca, primer senador que representa a un partíu asturianu, votó nel Senáu contra la modificación de la Constitución. FAC y Coalición Canaria foron los únicos que nun apoyaron la reforma impulsada pol PSOE y PP.
 
UPN tamién votó de manera positiva, mentes que’l restu de formaciones con representación nel Senáu ausentáronse de la votación. En total, foron 233 votos a favor, por 3 en contra, los que permiten dar lluz verde a esta reforma esprés del testu constitucional.
 
El senador de Foro Asturias Ciudadano (FAC), Martínez Oblanca, espuso na cámara les razones poles que la so formación ta en contra de la modificación del artículu 135 de la Constitución. Asina, señaló que la reforma nace por mor del “despilfarru socialista” y criticó al PP por pautar col PSOE esti cambiu na Constitución.